費時諗題目

今日就用廣東話寫個blog啦。

唔知係唔係天候熱，呢兩日我嘅頭好痛。希望唔係因為個病啦。上個禮拜睇咗「桃姊」呢部電影。我好想睇好耐啦，之前係威尼斯影展miss咗部電影。葉德嫻真係好好戲，睇咗令我諗起我嬤嬤。唔知佢依家點咧，希望我出年返去嘅時候佢仲認得我。部電影大部分戲係係一間療養院影㗎，裡邊全部都係老人家，只有一個睇來好似四十幾歲嘅女仔。有一日佢媽媽來探佢。當桃姊問佢點解要住療養院，佢話「因為呢度有洗腎機，係度住比較方便。」我聽到之後成個人崩潰。我以後會唔會好似佢咁要經常洗腎？咁埋乜都做唔到囉？我仲有好多嘢未做，好多地方未去！但係，講真啦，最近我硬係覺得我嘅身體差咗好多，有時候頭痛，有時候腰痛，有時候膝痛腳痛。等陣我要去醫院驗血（已經好耐無去啦，個醫生成日唔記得落order），希望個結果有進步啦。